Британия суди Apple
ни Samsung
ни мақташга мажбур қилади.
Apple компанияси Британия суднинг Samsung iPad кўринишини кўчирмаётганлиги борасидаги қарорини ўзгартира олмади. Apple компанияси берган аппеляция 18 октябрь куни рад этилди.
Лондон Олий суди ҳаками Колин Бирс июль ойида Samsung нинг айбсизлиги борасида қарор чиқарган эди. Бирс эълон қилишича, Galaxy Tab ва iPadнинг ташқи кўринишида ўхшашликлар мавжуд. Бироқ Samsung ускуналари iPad каби ажойиб эмас ҳамда уларга Apple планшетларида мавжуд "фавқулодда оддийлик” уларга етишмайди.
Британия суди қарори Европа Иттифоқининг барча ҳудудида амал қилади.
Бирс, шунингдек, Apple компанияси Samsung ҳақида ўзаро судлашув пайтида юзага келгани эҳтимоли бор "нотўғри таассуротларни” тўғрилаши лозимлиги қайд этган. У Apple ни ўзининг Британиядаги сайти ва бир неча газеталарда Samsung iPad ни кўчирмаётгани ҳақида хабар бериш мажбуриятини юклади. Сайтдаги хабар матнида суд қарори манбаси кўрсатилиши лозим.
Суд апелляцияни рад этгани сабабли Applе Бирс қарорини бажаришга мажбур. Апелляцион суд қарорини Олий судда қайта кўриб чиқиш имконияти мавжуд. Бироқ, Applе вакиллари компания бу ҳуқуқдан фойдаланадими, йўқми, ҳали маълум қилмадилар.
Эслатиб ўтамиз, Apple ва Samsung ўртасидаги патент можароси бир неча мамлакатларда бўлиб ўтмоқда. АҚШ да судьялар Samsung Apple маҳсулотларини кўчириб олганлигини тан олдилар ва Жанубий Корея фирмасини Appleга бир миллиард АҚШ доллари миқдорида товон тўлашга мажбур қилдилар. Ўз навбатида Samsung апелляцияга топширган, бироқ бу боради суднинг қарори ҳали чиққани йўқ.
