Massajning bir turi xisoblanmish kriomassaj  xam yuz terisi xolatiga ijobiy ta’sir ko'rsatadi. Bu muolaja juda oson bo'lib, uni bajarish ko'p vaktingizni olmaydi. Kriomassaj quyidagicha amalga oshiriladi: biror dorivor o'simlik damlamasini muz uchun mo'ljallangan maxsus qolipchalarga quyib, muzlatgichga qo'yasiz. Damlama muz xolatiga kelgach, bir donasini olib, yupqa matoga uraysiz va yuz xamda bo'yinni aylanma xarakatlar bilan uqalaysiz. Bu jarayon muz bo'lagi erib tugamagunga qadar davom etadi. 

Kriomassajdan avval teriga biror krem surtsangiz, bu muolaja kremning oziqlantiruvchi moddalarining teriga yaxshi singishiga yordam beradi. Erigan muz suvi biologik aktiv xisoblanib, u teri tukimalarining qon aylanishini yaxshilaydi, kengaygan yuz teshikchalarini toraytiradi. Yuz terisi esa yosharib, taranglashadi.