Qiyomat - qachon ro'y beradi Америкалик айрим олимларнинг тахминига кўра, шу йилнинг 22-сентябрь куни сайёрамизнинг энг сўнгги куни бўлиши мумкин эмиш. Қуёшдан Ер юзасига етиб келган кучли магнит тўлқинлари билан тўйинган электр ёмғир сайёрадаги барча электр тизими жиҳозларини ишдан чиқарармиш.
"Забур”да нима дейилган?
Охир замон келишига сабаб бўлувчи ходисалар қаторига Қуёшдаги гиперактивлик ҳам киритилган. Бутун дунё олимлари қуёшдаги чақнашлар кучайиши ва у келтириб чиқарадиган оқибатларидан хавотирга тушишган. Америка фанлар академияси олимлари сўнгги ўн йил ичида Қуёшни ўрганишга жиддий киришишди.
НАСА агентлиги олимлари изланишлари шуни кўрсатадики, 2012-йил сентябрь ойида содир бўладиган қуёшдаги портлаш оқибатларини радиоактив қуроллар жангига тенглаштириш мумкин экан.
Америка фанлар академияси раҳбари, Колорадо Университети профессори, шунингдек, фазовий об-ҳавони ўрганиш бўйича мутахассис Дэниель Бейкер ушбу маърузани тақдим қилиш чоғида, изланишлар натижасига изоҳ сифатида 22-сентябрь куни шимол ёғдуси изидан учқунли электр ёмғири ёғиб...
Электр ёмғир қанчалик хавфли?
Бир ярим дақиқа давом этган электр ёмғири бутун инсоният заковати маҳсули – электротизимни ишдан чиқариш учун етарли. Улкан электр приборлардан тортиб, оддий хўжалик электр асбобларигача. Шунингдек, инсон ҳам физик жиҳатдан яхши электр ўтказгич ҳисобланади.
Агар Қуёш Ер юзасидаги электротизимни йўққа чиқарса нима бўлади? Алоқа тизими ўчади, маълумотлар базаси йўққа чиқади, ахборот сақлаш тизими инсонлар учун ёпиқ тизимга айланади.
Улардан фақат ишдан чиққан жиҳозларгина қолади. Баъзи жиҳозлар, ёмғир тингач, заҳира манба ҳисобига вақтинча ишлаб туриши мумкин. Кимёвий заводлар, атом электростанциялари (АЭС)да электр тизими ўчиши улар фаолиятининг буткул издан чиқишига олиб келади.
"Учар” олимлар бу кўнгилсизлик манзарасини дарров чизиб қўя қолишди. Тасаввур қилинг, алоқа тизими фаолияти тўхтагач, бир соат ичида...
Нафасингизни ел учирсин!
Ҳозирча америкалик олимлар электр ёмғири оқибати сифатида узоқ ва номаълум муддатга электрсиз қолишдан бошқа кўнгилсизликни кўришмаяпти. Аммо, уларга илова қилувчи "ваҳимачилар” ҳам йўқ эмас. Уларнинг фикрича, зилзилалар, вулқонларнинг уйғониши, цунамилар – биз тасаввур қилишимиз мумкин энг кичик ҳалокатлар экан.
Ҳатто жанубий ва шимолий қутб ўрнининг алмашиб қолишидан лоф ураётганлар ҳам бор. Натижада материклар кўриниши ақл бовар қилмас масофаларга ўзгариб кетармиш...
Майя тақвимининг "башорати”
Майя қабиласининг ҳисоб-китобларига кўра, инсоният ҳаёти "Бешинчи қуёш даври”дан сўнг интиҳо топиши керак бўлган. "Биринчи қуёш” 4008 йилга тенг нур сочган ва зилзилалар натижасида йўқликка юз тутган.
"Иккинчи қуёш”нинг 4010 йиллик ҳаётига тўфонлар барҳам берган. "Учинчи қуёш” 4081 йил нур сочиб, вулқонлардан отилган оловли ёмғир натижасида сўнган. "Тўртинчи қуёш” 5026 йил Ер юзини ёритган. Биз ҳозир сўнгги қуёш даврида ҳаёт кечириб келяпмиз. 5126 йиллик қуёш Ер юзасида электр ёмғирни вужудга келтириши ҳақида ҳам айтиб ўтилган. Майялар эрамиздан аввалги 3113-йилдан милодий 2012-йилгача инсониятни галактик нур бошқариб келаётганига ишонишган.
Аммо...
Хулосага шоишлманг
Юқоридаги фикрларни ўқувчиларни ваҳимага солиш, таҳлика уйғотиш мақсадида келтирганимиз йўқ. Аслида ҳозир бу хусусдаги гап-сўзлар чиндан-да кўпайибю бормоқда. Аммо, қуёшдаги ўзгаришлар ҳам, охирзамон ҳақидаги "башорат”лар ҳам ҳеч кимга янгилик эмас. Астрономлар қуёш сиртидаги тектоник ўзгаришлар тез-тез такрорланиб туришини айтишади.
