2012 йил 23 август куни 91 ёшида машҳур театр ва кино актёри, улкан иқтидор соҳиби Зикир Муҳаммаджонов оламдан ўтди.
Зикир Муҳаммаджонов 1921 йилда Тошкентда туғилган. 1938 йилдан Ҳамза номидаги Ўзбек Давлат академик драма театрида (ҳозирги Ўзбекистон Миллий Академик Драма театри) актёр сифатида фаолият кўрсатиб келди.
Ўзбекистон Миллий Академик Драма театрида юзга яқин ролларни ижро этган, кинода 50 дан ортиқ образларни яратган. Хусусан, уларнинг орасида Абу Райҳон Беруний, Мирзо Улуғбек, Алишер Навоий, Ҳусайн Бойқаро каби буюк тарихий шахсларнинг образлари бор.
Шунингдек, Зикир Муҳаммаджонов "Ўзбекфильм” киностудиясида жуда кўп фильмларнинг дубляжида ҳам қатнашган.
Ўзбекистон халқ артисти унвони соҳиби. "Дўстлик”, "Буюк хизматлари учун”, "Ўзбекистон қаҳрамони” орденлари билан мукофотланган.
www.djakbar.ucoz.com Портали севимли актёримизнинг яқинларига ва мухлисларига ўз таъзиясини билдиради.
