Erkaklar  turmush kurganning  dastlabki  davrida  uyga erta  qaytsa-da, keyinchalik  xuddi  uyat  bo’ladigandek kech  qayta boshlaydilar. Ishdan  so’ng  bir do’sti  bilan biror qahvaxonada  vaqt o’tkazishni  erkaklikning  bir belgisi sanashi  mumkin. Aslida , uyda  xotini va farzandlari  bilan suhbatlashib, ularning  muammolarini  bilib  olish  mumkin  bo’lgan  vaqt – kechki ovqat  mahali  va  undan keyingi n soatlardir. Ertalab vaqtli ishga  otlangan ,kechqurungi  yotish  paytida  uyga  qaytgan  erkak oilasi va farzandlari bilan  qachon  shug’ullanadi ? Ayniqsa, ma’lum  bir yoshga  etgan  farzandlari bo’lsa, maktabga  boradigan  bo’lsa , ularning bir qancha  muammolarni  aytsa, ba’zilaridan so’rab olishga  to’g’ri  keladi. Bu holatga  e’tiborsizlik  qilinsa, barchasi  yig’ilib  chigal  vaziyat yuzaga keladi.

  Qolaversa, xotin kishi  erining qachon  ishdan qaytishini bilmasa, bu ham bir  muammo. Eri uchun mehr bilan  tayyorlagan  ovqatini  ayol  kayfiyati  buzilgan  hol;da  yolg’iz  o’zi  eyishiga  to’g’ri kelishi  mumkin. Keyinroq erining  yo’lini poylab , deraza  yonida  vaqtini  o’tkazadi. Erkak  kishining  bunday  azob  berishiga  haqqi  yo’q, . Agar  uyiga  vaqtida  bormasa, hech  bo’lmasa, boradigan  vaqtini  oldidan  aytib  qo’yishi lozim.

 Omad  kulib  boqqan insonlarning  aniq  mezonlari  bo’ladi . Uyidan  chiqib  ketadigan va uyiga qaytadigan  vaqti noma’lum  bo’lgan bir  kishining ishi  ham  yurishmaydi. Shubhasiz, insonning har bir kuni bir xil kechmaydi. Ammo  umumiy  ma’noda  ma’lum fe’l –atvorga,  muayyan  mezonlarga ega  bo’lishi kerak. Bunday insonlar  bilan  yashash  osonroq  bo’ladi. Qaerda , nima qilishi  ma’lum bo’lmagan  tuturuqsiz  kishilar na  o’ziga , na  oilasiga van a jamiyatga  foyda  keltiradi. Shu  bois  uydan  chiqish-qaytish  soatingiz b ma’lum bo’lsin.