Yurakda nima dard, aslo bilmayman,

O'tib borar umr, parvo qilmayman.

Istayman, lek qalbdan yonib kulmayman,

Qanday balolarga etding mubtalo..?

Taqdir savdosiga og'riydi boshim,

Yuzlarimni yuvar ko'zdagi yoshim.

Bilmam, qayergacha yetar bardoshim,

Allohim! sen sabr bergil  avvalo.

Rabbim sen o'zingsan yolg'iz panohim,

Kechir bilib bilmay qilgan gunohim.

Eshitgin qalbimdan yig'lagan ohim,

Qandayin dard berding menga bedavo..?